About the Journal
ວາລະສານວິທະຍາສາດກະສິກຳ, ເຕັກໂນໂລຊີ ແລະ ການພັດທະນາ ເປັນວາລະສານດ້ານວິຊາການຂອງຄະນະກະເສດສາດ (ວິທະຍາເຂດນາບົງ), ມະຫາວິທະຍາໄລແຫ່ງຊາດລາວ ໂດຍມີການຕີພິມ 2 ສະບັບຕໍ່ປີ ຄື ສະບັບເດືອນມັງກອນ-ມີຖຸນາ ແລະ ສະບັບເດືອນ ກໍລະກົດ-ທັນວາ ໂດຍລວມມີບົດຄົ້ນຄວ້າ-ທົດລອງ ແລະ ບົດຄວາມທາງວິຊາການ ທີ່ຜ່ານການກວດແກ້ຈາກ ຄະນະກຳມະການດ້ານວິຊາການ ຊຶ່ງທາງຄະນະກຳມະການວາລະສານ ເປັນຜູ້ຈັດພິມຂຶ້ນ ຈຸດປະສົງ ເພື່ອເຜີຍແຜ່ ແລະ ແລກປ່ຽນຜົນງານດ້ານວິຊາການຂອງອາຈານ, ນັກສຶກສາ, ນັກວິຊາການ ດ້ານວິທະຍາສາດກະສິກໍາ, ເຕັກໂນໂລຊີ ແລະ ການພັດທະນາ.
ທາງຄະນະບັນນາທິການ ເປີດກວ້າງ ແລະ ຍິນດີຮັບເອົາບົດຄວາມທີ່ຂຽນເປັນພາສາລາວ ຫຼື ພາສາອັງກິດຈາກທຸກທ່ານ, ສ່ວນບົດຄັດຫຍໍ້ຂອງບົດຄວາມແຕ່ລະບົດຈະຕ້ອງຂຽນເປັນ 2 ພາສາ. ບົດທີ່ຈະຜ່ານການພິຈາລະນາ ແລະ ຖືກຈັດພິມອອກນັ້ນ ຈະຕ້ອງໄດ້ຜ່ານການກວດອ່ານຈາກ ຄະນະກຳມະການດ້ານວິຊາການເສຍກ່ອນ ຕາມປະເພດບົດດັ່ງລຸ່ມນີ້:
- ບົດຄົ້ນຄວ້າ-ທົດລອງ: ເປັນບົດຂຽນເພື່ອສະເໜີຜົນຂອງການຄົ້ນຄວ້າ-ທົດລອງ ທີ່ຜູ້ຂຽນໄດ້ເຮັດເອງ ຫຼື ມີສ່ວນຮ່ວມໃນວຽກງານດັ່ງກ່າວ ຫຼີກລ່ຽງການເອົາຂໍ້ມູນຂອງຄົນອື່ນມາຂຽນເປັນຂອງຕົນເອງ ລວມທັງເນື້ອໃນທີ່ມີລັກສະນະສຳເນົາໂດຍບໍ່ໄດ້ປັບປ່ຽນ ຫຼື ບໍ່ມີບ່ອນອ້າງອີງ.
- ບົດຄວາມວິຊາການ: ແມ່ນບົດຂຽນທີ່ໄດ້ຮຽບຮຽງຈາກເລື່ອງສະເພາະໃດໜຶ່ງທີ່ ກ່ຽວຂ້ອງກັບວຽກງານກະສິກຳກະສິກຳ, ເຕັກໂນໂລຊີ ແລະ ການພັດທະນາ ຫຼີກລ່ຽງການເອົາຂໍ້ມູນຂອງຄົນອື່ນມາຂຽນເປັນຂອງຕົນເອງ ລວມທັງເນື້ອໃນທີ່ມີລັກສະນະສຳເນົາໂດຍບໍ່ໄດ້ປັບປ່ຽນ ຫຼື ບໍ່ມີບ່ອນອ້າງອີງ.